اللہ تعالی نے انسان کو اشرف المخلوقات بنایا ، اور ان سب انسانوں میں سے افضل انسان وہ ہے جو اللہ تعالی کی معرفت حاصل کرے اور اس کے ساتھ تعلق پیدا کر لےاور پھر سب سے افضل وہ ہے جو اسی کا ہو رہے اور جو اسی کا ہو رہے وہ دونوں جہان کی تعمتوں سے متمتع ہو جاتا ہے اور در حقیقت اسے سب کچھ مل جاتا ہے ۔ اب اللل کی مخلوق میں بے شمار انبیاء ، بے حدو حساب اولیاء اصفیاء ،مومنین اور اللہ تعالی کے عابدو زاہد اور فرمانبردار بندے ہو گزرے ہیں لیکن ان سب سے اعلی ، اولی ، افضل اور مقدم ہمارے پاک نبی محمد مصطفی صلی اللہ علیہ وآلہ وسلم کی ذات اقدس ہے ۔اس پاک وجود کا اٹھنا، بیٹھنا ،سونا جاگنا ،اوڑھنا ، بچھونا غرض ہر حالت اللہ تعالی کے لیے ہی رہی۔وہ حدا کا ہو گیا اور یہ حقیقت ہے خدا اس کا ہو گیاوہ بچپن سے جوانی تک اور پھر جوانی سے وصال تک فنافی اللہ ہی رہا۔ زیر نظر کتاب "قرآن حکیم اور حضور صلی اللہ علیہ وسلم کا مقام نبوت" میں مصنف نے حضور علیہ السلام کا مقام و شان جو قرآن پاک نے بیان فرمایا ہے سے ہمارے دلوں کو منور کرنے کی کوشش کی ہے۔